العودة   سيد البلد > القسم الثقافى والاجتماعى والترفيهي > المنتدى الاجتماعي و الثقافى والادبي > ركن كرومه للشعر والغناء
ركن كرومه للشعر والغناء يهتم بالشعر السودانى وبالاغاني السودانيه

 
إضافة رد
 
أدوات الموضوع انواع عرض الموضوع
#1  
قديم 06-06-2008
هلالاب احبكم
نائب المدير العام
هلالاب بلا حدود غير متواجد حالياً
Sudan     Male
SMS ~
احبكم يا اسياد البلد
لوني المفضل Blue
 رقم العضوية : 2
 تاريخ التسجيل : May 2008
 فترة الأقامة : 2177 يوم
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم : 10
بيانات اضافيه [ + ]
افتراضي موسوعة كلمات الاغاني السودانية ...!!!!





البداية من الاصل والاصل هو اغاني الحقيبة

أغاني الحقيبة الماضي والحاضر


.................

أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

Comment




 توقيع : هلالاب بلا حدود


رد مع اقتباس
قديم 06-06-2008   #2
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي





ماهو عارف

خليل فرح


ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام


 
 توقيع : هلالاب بلا حدود



رد مع اقتباس
قديم 06-06-2008   #3
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي





صدر المحافل


ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله


 
 توقيع : هلالاب بلا حدود



رد مع اقتباس
قديم 06-06-2008   #4
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي



اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن



انسان لكن مفردا
حاز النور حاز اللدن
غصنة مهفهف املدا
وهيبة اسد فى عيون شدن
يالجبره المازجه العجن
وجسمك بالطيب انعجن
اذا النسمااات بيك عرجن
طبقات الجو يتارجحن
والانفس يتهيجن
انتى نرجس من الوسن
لعيونها الاعين جسن
وان اية الحسن الاسن
وغصون الروض يتمايسن



فى ذالك الزى الحسن
وكل حسن مالك حسن
روضك زى عارضين صفن
حلاك سحرك ماسحر فن
كواكب النور البلصفن
بصفاتك مااتوصفن
بدور الكون لو ينصفن
يسجدن ليييك ومايكون وفن
فيك عيون بالحسن ازدرن
ومهما افكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن



 
 توقيع : هلالاب بلا حدود



رد مع اقتباس
قديم 06-06-2008   #5
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي





من اجمل الرواااااائع
في الضواحي وطرف المداين




في الضواحى وطرف المداين
يلا ننظر شفق الصباح
قومو خلو الضيق في الجناين
شوفو عز الصيد في العساين
يلا نقنص نطرد نعاين
النهار أن حر الكماين
كلبي يا جمجوم أصلو خاين
شوفوا كيفن يبرى الملاين
هب شال وكشح المراح

للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفى يومنا راح

في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح

يا الطبيعه الواديكي ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنو ماكن
لا غشن لا شافن مساكن
في الخزام والشيخ والبراح

شوف صباح الوادي وجمالو
وشوف خدارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
القمر خجلان من كمالو
والصباح لاح بهل الوشاح

يا أم لساناً لسع معجن
كلمة كلمة وحروفو ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح

مال نسيم الليل بي برودن
نامت الازهار فوق خدودن
غرد العصفور فوق عودن
النفوس ما اتعدت حدودن
ما عرفنا عدوك من ودودن
بس أنا المقسوم لي صدودن
يا حياتي وأملي اللي راح


 
 توقيع : هلالاب بلا حدود



رد مع اقتباس
قديم 06-06-2008   #6
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي





احرموني ولا تحرموني



احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقتاً يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير ذكراك ما صحالي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التذكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام


 
 توقيع : هلالاب بلا حدود



رد مع اقتباس
قديم 06-09-2008   #7
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي



افنان الرائع جدا

زيدان ابراهيم

دنيا المحبه

فى بعدك ياغالى ضنانى الالم

وعشت مع الليالى لاحب لا نغم

ومن لمسات حنانك خلاص تمينا دور

ايام مره خاليه من طعم السرور

كل ماغنى شادى دوبنى الشعور

واقول ياريت حبيبى لو فى الطيف يزور

لو كان التمنى بينفع كل حبيب

ماكان السعاده بقت قسمه ونصيب

ولا قلوبنا الحيارى مع الايام تشيب

ولا عاش قلبى تايه عن حبك قريب

لاتسأل مشاعرك ليه عينى بكن

يوم ودعنى حسنك ولا زمنى الشجن

وباكر ياحبيبى يعلمك الزمن

ليه دنيا المحبه للعشاق وطن


 
 توقيع : هلالاب بلا حدود



رد مع اقتباس
قديم 06-09-2008   #8
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي



من اجمل ما تغي

في الليله ديك

في الليلة ديك
في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك…… جيت أقول مبروك عليك


 
 توقيع : هلالاب بلا حدود



رد مع اقتباس
قديم 06-09-2008   #9
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي



اغنية قصر الشوق

باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد


 
 توقيع : هلالاب بلا حدود



رد مع اقتباس
قديم 06-09-2008   #10
نائب المدير العام
هلالاب احبكم


الصورة الرمزية هلالاب بلا حدود
هلالاب بلا حدود غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  May 2008
 أخر زيارة : منذ 4 يوم (06:50 PM)
 المشاركات : 19,933 [ + ]
 التقييم :  10
 الدولهـ
Sudan
 الجنس ~
Male
 SMS ~
احبكم يا اسياد البلد
لوني المفضل : Blue
افتراضي



شقا الايام

شقا الأيام ..
وسهر الليل
بهون لو مرة حسيت بى
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية
شقا الأيام وسهر الليل
وآهاتى الحزاينية
ملازمنى من يوم شفت عيونك الحلوة
ويومها عرفت كيف العين
مكامن ريد
وجرة نمة من دوبيت
ضراعة فاتحة يوم العيد
فرح أطفال
وأهازيج زار
ونقرة طار
وبحة ناى
حزين غناى
ترانيم غنوة دينية
براى والليل
وأهاتى الحزاينية
بيغشاني النعاس مرات
وطيفك يمر
يغافلني
يبدل حزني اشراقات
وأبداء معاك غناوى الليل
وأغالب الدمعة مابيه تسيل
أتارى الليل كمل كلو
عيونك مرة لو طلو
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية


 
 توقيع : هلالاب بلا حدود



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نعمل موسوعة الاغاني الوطنية مع بعض .....!!!! هلالاب بلا حدود ركن كرومه للشعر والغناء 13 07-06-2010 12:37 AM
كلمات أغاني العملاق محمد وردي nabil ركن كرومه للشعر والغناء 80 07-06-2010 12:34 AM
موسوعة كلمات اغانى الفنان عثمان حسين هلالابية ركن كرومه للشعر والغناء 16 07-06-2010 12:25 AM
انطلاقة مطارحة الاغاني السودانية بالمنتدي ramos ركن كرومه للشعر والغناء 125 04-25-2010 12:29 PM
كلمات أغاني مجموعة عقد الجلاد nabil ركن كرومه للشعر والغناء 18 09-10-2009 12:58 AM

Facebook Comments by: ABDU_GO - شركة الإبداع الرقمية

جميع الأوقات بتوقيت GMT +3. الساعة الآن 08:41 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.

الدعم الفني مقدم من إدعمني

HêĽм √ 3.1 BY: ! ωαнαм ! © 2010
كل الحقوق محفوظه لموقع ومنتديات سيد البلد